FIN DE SEMANA DE CORPUS - Concello de Cedeira
Fecha Viernes, 05 junio a las 21:34:50 Tema PHP-Nuke
Con motivo da coincidencia entre a
celebración do Corpus co Feirón no domingo dia 14 de xuño e coa finalidade de conciliar ambas actividades, decidimos que, para
poder realizar a procesión, debemos cambiar a ubicación do Feirón á Praza da Constitución e
Paseo da Madalena, nas proximidades da Revolta. A tradición sempre tivo en alta
consideración a festividade do Corpus, polo que o Concello síntese na obriga de dalle
prioridade, frente a outras celebracións ou intereses.
Tamén queremos informar que as obras
de mellora do sanemaneto e demais que levaremos a cabo tanto no Casco Antigo como na Rúa Ezequiel López e Rúa do
Mariñeiro están planificadas de tal forma que non impedirán o tradicional desenvolvemento
da Procesión do Corpus. Os adornos florais que a veciñanza realiza nas rúas do
casco antiguo non se verán impedidos. Ao contrario, esmerarnos na súa execución será o sinal
de que tan importantísimas obras se inician da mellor maneira, augurio dun seu mellor
remate.
Cedeira afrontará nos próximos meses
obras que nos situarán ao nivel das máis avanzadas esixencias do mundo moderno, rede separativa de augas pluviais e
fecais que preservarán a nos a fermosísima ría, renovación das traídas de augas,
soterramento da telefonía, fibra óptica, electricidade, ou preinstalación do gas cidade,
rematado cun pavimento noble de pedra granítica, que nos permita afrontar o abandono de
veciños e comercios que está a sufrir a Vila Vella. Sabemos que a colaboración da
veciñanza será absoluta, pero elo non quita que pidamos disculpas por todas as molestias que
ocasionen e consello en todas as cuestións que se nos escapen.
Asdo. Alcaldía
Link: Concello de Cedeira
|
|