TEGA - Apertura de expedientes informativos
Fecha Sábado, 30 mayo a las 16:23:01 Tema PHP-Nuke
Comunicado da Executiva Nacional de Terra Galega
Ante os feitos acaecidos no Concello de Valdoviño e as protestas que
o grupo municipal do BNG ven de facer na prensa, polo voto en contra da
nosa agrupación no último pleno da corporación a prol do uso do galego,
eu, Xermán Tobío como Secretario Xeral de Terra Galega e en nome da Executiva Nacional,
comunico:
A apertura de
expediente informativo a Dona María Isabel Álvarez Diéguez, Don Antonio
Montero Martínez e a Don Gonzalo Doce Vergara, alcaldesa e concelleiros
de Terra Galega en Valdoviño, respectivamente.
Si ben un dos principios básicos de Terra Galega
é a autonomía municipal, os actos dos nosos afiliados ou representantes
xamas poderán ir en contra dos Estatutos e os principios ideolóxicos do
noso Partido:
“Os principios ideolóxicos" que han de rexer a acción política de Terra Galega son os seguintes:
1.- TERRA GALEGA
potenciará a identidade nacional de Galicia, definindo noso país como
unha comunidade diferenciada que defenda os nosos intereses históricos,
culturais, lingüísticos, económicos en pé de igualdade e equilibrio con
outros pobos do Estado español, de Europa e do mundo.”
En Narón a 30 de maio de 2009.
Xermán Tobío
Secretario Xeral
Link: TEGA
|
|