Pintos, condenado a nove meses de cárcere
Fecha Viernes, 29 mayo a las 11:06:10
Tema PHP-Nuke
O actual secretario xeral da CIG de Ferrol, Xesús Anxo López Pintos,
foi condenado a nove meses de prisión por agredir a un axente da
unidade de policía autonómica durante uns incidentes marisqueiros
ocorridos no 2001, en Mugardos.
A sentenza do Xulgado do Penal número 2, que é recurrible ante a
Audiencia Provincial da Coruña, considera probado que Pintos propinou
dous golpes cunha pedra a un dos axentes, causándolle feridas polas que
terá que indemnizalo con 1.220 euros, entre outras cantidades. A
sentenza considérao autor dun delito de atentado a axentes da
autoridade e outro delito de lesións, aínda que lle aplica a atenuante
de dilacións indebidas. Entende o xuíz que a tardanza na celebración da
vista, aínda que motivada en parte polos sucesivos recursos presentados
polo procesado durante a instrución das dilixencias, non pretendían
atrasar o proceso senón exercer o seu dereito á defensa.
Os incidentes producíronse o 18 de setembro do 2001,
aínda que durante todo ese verán o conflito marisqueiro en Mugardos
tivera outros episodios ao enfrontarse dous sectores das afiliadas á
Confraría de Pescadores local, unhas a favor da patroa maior de entón,
e outras, o sector maioritario, en contra. As favorables á patroa foran
a faenar á marea, cousa que encolerizó ao resto que consideraban que a
veda non debía abrirse en tanto non se aclarase a destitución da patroa.
Os lesionados
Ante
o cariz que tomaban as cousas, a Consellería resolveu que interviñese a
unidade de policía autonómica que se interpuxo entre un e outro grupo.
A saída da praia das mariscadoras que acudiran a faenar fíxose coa
protección policial. Foi nese momento cando as opositoras comezaron a
lanzar pedras. Pintos, di a sentenza, dixo gritando: «Collede pedras».
Él mesmo colleu un cascote e golpeou en dúas ocasións a un dos policías.
López
Pintos acabaría tamén lesionado ao intervir o resto de efectivos
policiais, e numerosas mulleres resultaron igualmente contusionadas.
Aínda que a sentenza estima que a actuación do grupo policial,
integrado por trece axentes, foi proporcional e lexítima no cmprimento
do seu cargo para restablecer a orde e protexer a unha parte das
mariscadoras. Por iso opta por absolver aos policías acusados.
Link: VONLine
|
|