A partir do próximo ano, todas as actividades do aula de música de
Cedeira desenvolveranse no histórico edificio Escolar do Piñeiro, no
centro da vila. Esta é a intención municipal despois de que fóra
durante o presente curso escolar cando se puxese en marcha o Aula de
Música da localidade nun edificio anexo á gardería municipal. Agora,
segundo o concelleiro de Cultura, Xermán Tobío, o Concello quere
trasladar ao «centenario edificio» o ensino musical ademais da a Banda
de Música de Cedeira, a de Gaitas e a Orquestra de Acordeóns Robaleira,
actualmente situadas no edificio da confraría.
© 2009 - La Voz de Galicia
O Escolar do Piñeiro, duns 600 metros cadrados, acolle desde fai un ano
os ensaios de grupos locais de folk e rock, entre outros, unha
iniciativa que, segundo Tobío, contribuíu «a dinamizar este tipo de
músicas en Cedeira cun incremento de demandantes de salas de ensaio».
Deste xeito, o Concello estima que as novas dependencias darán servizo
a 250 persoas entre alumnos do Aula de Música, as distintas agrupacións
e os grupos musicais locais.
Actualmente, preto de 180 alumnos con idades comprendidas entre 3 e 56
anos reciben clases no Aula de Música de Cedeira. Os máis pequenos,
segundo explica Tobío, «están iniciándose na música mentres que a
maioría dos adultos prepárase para acceder ao Conservatorio».
Link: VONLine