Alumnos do IES Punta Candieira asisten hoxe a un particular pleno municipal
Fecha Martes, 26 mayo a las 10:55:52
Tema PHP-Nuke
O pleno municipal do Concello de Cedeira contará esta tarde cuns
invitados de excepción, alumnos do IES Punta Candieira, que lerán no
transcurso da sesión unha "carta cara ou futuro".
Esta iniciativa é froito dunha serie de talleres que os alumnos foron
realizando no centro escolar nos últimos meses da man da Fundación
Lonxanet, unha institución que conta cunha traxectoria de sete anos
traballando na implicación de pescadores artesanais en proxectos
humanos, empresariais e ambientais, co obxectivo de lograr procesos de
cambio nas comunidades de pesca artesanal, desde onde si se realizan
iniciativas de pesca sustentable e de protección do medio ambiente e
mariño.
Así pois, no transcurso dos talleres antes mencionados, financiados
pola Fundación ICO, tratáronse cos alumnos aspectos como a protección
do medio ambiente, o mundo mariño, a posta en valor do patrimonio
cultural de poboacións costeiras e cuestións relacionadas coa
solidariedade e cooperación entre persoas de distintas latitudes.
Como resultado desa aprendizaxe lograda nos talleres, unha
representación dos alumnos do instituto cedeirense asistirá hoxe ao
pleno municipal para dar boa conta de todo o aprendido nos ciclos e
pedir unha maior implicación dos políticos e axentes socioeconómicos en
todo o que teña que ver co desenvolvemento sustentable.
Os estudantes exporán as súas propostas ao alcalde e os concelleiros para que tomen nota e actúen en consecuencia.
Link: DFONLine
|
|