Manual de apoio a cargos políticos locais
Fecha Jueves, 12 febrero a las 11:55:33
Tema PHP-Nuke


O manual concíbese como un texto de consulta para o xestor público, o político local ou incluso para o profesional que interactúa coa administración. Por esta mesma razón a Consellería de Presidencia Administración Pública e xustiza está a distribuir o manual a tódolos cargos electos pertencentes aos concellos de Galicia. A sinatura do Pacto Local Galego 20 de xaneiro de 2006 supuxo o pleno recoñecemento dos concellos galegos reafirmando o seu carácter de administración máis próxima á cidadanía e onde os municipios xestionan as súas competencias e prestan os servizos que lle son propios co obxectivo de asegurarlles aos veciños e veciñas un nivel de benestar social axeitado aos tempos actuais.
No marco do exercicio de competencias e prestación dos servizos sinalados unha  parte moi importante da súa engranaxe a constitúen os cargos electos locais, na súa  condición de protagonistas da organización municipal, que, xunto coa poboación e  territorio, se constitúen como elementos esenciais do municipio.
Por outra banda, a execución da acción de gobernanza municipal cada vez resulta máis  complexa, debido tanto á amplitude de campos que se xestionan como ás novidades  normativas que lles afectan e a cercanía das súas actuacións cos administrados.

É neste eido no que a Consellería de Presidencia, Administracións Públicas e Xustiza,  na súa condición de departamento da Xunta de Galicia con competencias das relacións  coas corporacións locais, afronta a realización dunha publicación que sirva de apoio  na xestión diaria dos cargos electos locais da Comunidade Autónoma de Galicia coa  finalidade de acadar unha mellora continua na calidade dos servizos públicos . Os principais contidos desenvoltos no manual son os seguintes: 
I. A Administración pública. Administración local
II. Organización e funcionamento das entidades locais .
III. Persoal ao servizo das entidades locais
IV. Facendas locais
V. Bens das entidades locais.
VI A contratación nas entidades locais
VII. Os servizos públicos locais.
VIII. Urbanismo.
IX. Control externo e responsabilidade.
X. Modelos de iniciativas

Link: EidoLocalOnLine






Este artículo proviene de Portal de Noticias Cedeira OnLine Café Bar A MARINA
http://localhost/nuke81

La dirección de esta noticia es:
http://localhost/nuke81/modules.php?name=News&file=article&sid=28