Concello de Cedeira ::: Nota de prensa
Fecha Sábado, 27 febrero a las 18:56:59 Tema PHP-Nuke
CEDEIRA RECUPERA O SÉTIMO ARTE COA PARTICIPACIÓN DO CONCELLO NO PROGRAMA AUTÓNÓMICO CINEMAS DE GALICIA
CEDEIRA, 26 de febreiro de 2016.-
O sétimo arte volve a Cedeira coa participación, por primeira vez, do Concello no programa Cinemas de Galicia, rede municipal de exhibición cinematográfica xestionada pola Axencia Galega das Industrias Culturais da Consellería de Cultura. O acordo firmouse esta mañá en Santiago de Compostela. O alcalde cedeirés, Pablo Moreda Gil, e a edila responsable de Cultura e Urbanismo, María José Rodríguez, estiveron presentes no acto, xunto a representantes doutros Concellos que se incorporaban tamén ao proxecto.
O auditorio municipal acollerá todas as proxeccións, que serán en distintos horarios, para público adulto e tamén infantil. O calendario estará comprendido entre os días 1 de marzo e 30 de xuño e do 15 de septembro ao 15 de decembro.
O catálogo inclúe filmes galegos en fase comercial e películas europeas, incluído cine español, avaladas por premios e outros recoñecementos. As localidades sairán á venda ao prezo de 3 euros, unha cantidade moi reducida polo compromiso económico firmado hoxe entre o Concello e a Xunta para financiar o 50% dos dereitos de exhibición dos filmes.
A achega autonómica ascende a 4.200 euros. Ademais deste convenio económico, o goberno cedeirés comprometeuse a priorizar o pase de películas en galego, a promocionar o programa para darlle a máxima difusión posible e a manter boa relación coa rede de exhición cinematográfica a fin de optimizar o compromiso agora pechado.
Link: Concello de Cedeira
|
|