Alcaldía de Cedeira - AS RELACIÓNS ENTRE INSTITUCIÓNS
Fecha Viernes, 08 mayo a las 12:11:50
Tema PHP-Nuke
"Onte cursei unha invitación para que nos visite oficialmente ao
Delegado da Xunta de Galicia na provincia da Coruña. Fíxeno antes cos
delegados provinciais das consellerías da Xunta presidida por Emilio
Pérez Touriño e, polo tanto, o mesmo hai que facer neste momento
político.
Non quero prexuzgar absolutamente nada respecto do
tratamento que a Xunta gobernada polo P.P. lle dará a Cedeira. Sei o
que se prometeu e non seremos nós quenes introduzamos a desconfianza
nas relacións cos novos gobernantes. Polo tanto retomaremos os
proxectos que xa estaban iniciados e que tan necesarios son para
Cedeira: O centro de día, a ampliación da gardería municipal, elementos
ambos presentes no convenio suscrito coa anterior administración, a
estrada a Ferrol AC-566, a ampliación do centro de saúde, o edificio de
usos múltiples que imporpora unha gran biblioteca los aledaños do
instituto, e outros proxectos que non deberan verse truncados pola
actual gobernación de Galicia.
Por nós non vai quedar. Trataremos co
respecto que se merecen ás novas autoridades do País e igualmente
esperamos que os militantes do P.P. local non torpedeen ningunha das
iniciativas que tan avanzadas se atopan: proxectos constructivos
realizados, cesión de terreos, etc. Agradeceríamos todo tipo de axuda
que se poda ofrecer en cuio caso seremos quen de recoñecelo, como non
pode ser doutra maneira por quenes consideramos que a política é unha
actividade chamada a engrandecer ao ser humano."
José Luis Vergara - Alcalde de Cedeira
Mércores, 6 de maio de 2009
Link: Alcaldía de Cedeira - Blog
|
|