Concello de Cedeira ::: Goberno PSOE - BNG - ANOVA
Fecha Jueves, 11 junio a las 17:16:11
Tema PHP-Nuke


O guion que se atisbou na mesma noite electoral escribiuse e a dereita, que gobernou durante sete dos nove mandatos desde as primeiras eleccións democráticas, en 1979, pasará á oposición en Cedeira. PSOE, BNG e Anova pecharon un pacto de goberno para os próximos catro anos. Pablo Moreda, á fronte da formación máis votada, con tres edís, será o rexedor, mentres que a portavoz nacionalista, María Xosé Rodríguez, ocupará a primeira tenencia de alcaldía, e o líder de Anova, Camilo Casal, a segunda.

En principio, está previsto que só o mandatario local cobre do Concello, cunha dedicación exclusiva. O organigrama inicial inclúe unha ducia de concellarías. A principal novidade radica na área de urbanismo, que xestionará unha comisión executiva, integrada por un representante de cada formación, a proposta do Bloque. Desde o inicio das negociacións, o PSOE expuxo como única condición non facerse cargo deste departamento.

A maior parte das delegacións contarán cun titular e cunha ou dúas persoas máis, do resto dos grupos (nalgún caso incluso militantes que non forman parte da corporación). Con este modelo de concellarías compartidas pretenden «ter máis puntos de vista», como apunta a portavoz do Bloque; e asumir unha toma de decisións «coordinada», segundo Anova.

Á fronte de Medio Ambiente situarase Casal, que tamén dirixirá Servizos Sociais, con axuda da edila nacionalista Manuela López; de Cultura responsabilizarase Rodríguez, con apoio de Manuela López e do número tres do PSOE, Nicolás Vergara; de Educación responsabilizarase Manuela López, que tamén cubrirá a área de Mocidade e Igualdade, con Rodríguez e Vergara; de Deportes, Vergara, con José Antonio Muíño, de Anova; e de Tráfico e Seguridade Viario, Muíño, con Rodríguez.

O socialista Manuel Pérez Riola estará á fronte das delegacións de Obras e Servizos, con Muíño; Facenda; Medio Rural, da man de Casal; e Persoal, coa tenente de alcalde do BNG. O rexedor dirixirá (acompañado de Muíño) unha nova concellaría, dedicada ao mundo do mar, «un órgano aberto á confraría e a toda a xente relacionada con este sector, dentro dás competencias que poda ter o Concello, para que se vexa esa vinculación, que Cedeira é mariñeira», remarcou. As tres forzas reiteraron o seu propósito de constituír «un único equipo de goberno, cun único alcalde». Nesa liña irá o discurso de investidura que lerá Moreda no pleno do sábado, acordado cos seus dous socios.

Link: VONLine






Este artículo proviene de Portal de Noticias Cedeira OnLine Café Bar A MARINA
http://localhost/nuke81

La dirección de esta noticia es:
http://localhost/nuke81/modules.php?name=News&file=article&sid=2627