Portal de Noticias Cedeira OnLine Café Bar A MARINA - PSdeG-PSOE CEDEIRA ::: Comunicado :::

Agrupación Local de Cedeira
VOCEIRO Grupo Municipal

ASUNTO : COMUNICADO
              "O PP aplica no Concello a política de terra queimada"

      O próximo mércores, 25 de marzo, terá lugar o último pleno ordinario do mandato do PP e, a modo de traca final, a súa maioría absoluta aprobará o pago de máis dun cento de facturas de todos os anos anteriores por valor de 205.000 eurazos, máis de 34 millóns das antiguas pesetas.

       Ocultando estas facturas dos balances do 2013 e 2014, aparentaron un superávit inexistente que lles permiteu un derroche de obras innecesarias, mal executadas e mal concedidas, que gastaron a petos cheos os gravosos impostos que con tanto esforzo pagamos a cidadanía desta maltratada Cedeira. Política de pirotecnia de señoritos ociosos.

        Por outra banda, a maioría absoluta do PP desta actual corporación conseguirá, o próximo mércores, a pesar da ilegalidade manifesta e dunha soa tacada, darlle un pau aos orzamentos do 2015, practicando unha política de terra queimada que deixará nunha pésima posición á nova corporación que sairá das eleccións locais de maio.

        E, en terceiro lugar, Cedeira debe saber e sabe que a meirande parte deste despiporre económico, correspóndese con hipotéticos traballos dos que pouco ou nada se sabe. Órdenes a destro e sinistro executadas polo todopoderoso concelleiro de obras, Sr. D. Alfredo Vilela Santalla, sen control, sen procedemento, dadas a unas cuantas empresas que consumirán miles e miles de euros, que gastan como se fosen deles. Para honor e gloria de Rubido que llo consinte e aplaude. Tanto monta, monta tanto…

         Estaría mal, moi mal que estes cartos consumidos como papel de liar, procedesen doutras administracións, da Deputación, da Xunta ou do Goberno Central. Todos proceden do suor do contribuínte. Pero estes, estes doen máis, porque os conseguiron co catastrazo, coa suba da contribución, do Imposto de Circulación ou da taxa do lixo. Subiron impostos e taxas para poder gastar coma novos ricos que nada saben do traballo que lle custa á nosa decente cidadanía gañar cada céntimo da súa nómina.

        Traca final para tapar catro anos de xestión banal que nada aportou á mellora do paro, á mellora do tecido industrial, do mar, forestal, turístico, educativo, sanitario ou social. Só malos exemplos e malas prácticas.

En Cedeira, a 23 de marzo do 2014
JOSÉ LUIS VERGARA REY

Ref: JVZ 03.16.2015.1 Reparo
Asunto: proposta de pagamento de facturas de anos anteriores.

Análise das facturas pendentes de aprobar, deben destacarse os seguiníes aspectos:

Primeiro.- Facturas con obxecto ou destino non debidamente especificado, e con posible fraccionarnento de contratos.
Segundo.- Facturas por obras ou subministros sen competencia municipal ou actividades non organizadas polo Concello.
Terceiro.- Outras facturas con incidencias.

Documento orixinal Intervención do Concello : Preme aquí

Link: PSdeG-PSOE - Cedeira