Inmobiliaria :::::: Concello de Cedeira
Fecha Sábado, 27 diciembre a las 17:50:08 Tema PHP-Nuke
Os constructores sacan ao mercado os primeiros pisos para xente maior
A crise pola que atravesa o sector da construción e a carencia de
recursos,, ( ????) por parte da administración de Cedeira, foron os detonantes da
simbiosis creada entre empresarios locais e o Concello local pola que
ambas partes colaboran no que pasou a denominarse "Residencial Cedeira".
O proxecto, do que agora arrinca a súa primeira fase, consiste en
cubrir a carencia que a día de hoxe existe na vila con respecto a
vivendas adaptadas para as persoas maiores mentres que os constructores
teñen a posibilidade de poñer no mercado inmobiliario pisos para os que
actualmente non existe demanda.
O inmoble en cuestión localízase na rúa
Capela e dispón, ademais de vivendas en réxime de aluguer adaptadas ao
colectivo da Terceira Idade, dunha completa oferta de servizos
comunitarios.
Entre outros, segundo se informa desde o consistorio, de
comedor comunitario con cociña caseira, sala de estar compartida, salas
de consultas e de servizos comunitarios, lavandería, gimnasio, garaje,
ascensores, zona wifi, timbres en cada dormitorio e calefacción.
Tamén se está barallando a posibilidade de completar a oferta poñendo en
funcionamento unha barbaría.
O equipo de goberno informa de que xa está aberto o prazo para
aquelas persoas interesadas na iniciativa e, en función da demanda, o
proxecto irase materializando, tal e como se explica desde o Concello.
Así, o departamento de Servizos Sociais informará sobre os detalles de "Residencial Cedeira", unha demanda que tamén se pode consultar a través
do correo electrónico (residencialcedeira@gmail.com) e o número de
teléfono (609 73 72 65).
O alcalde de Cedeira, Luís Rubido, sinalou que o Concello tomou como
referencia a fórmula implantada con éxito en diferentes países como
Holanda, Alemania ou Reino Unido. Por outra banda, anunciou que os
potenciais beneficiarios desta primeira fase serán persoas maiores de 60
anos empadronadas no municipio e con plena autonomía persoal, tanto
física como mental.
Rubido tamén apuntou que a iniciativa favorece as relacións persoais,
garante a permanencia dos maiores na súa contorna e contribúe a crear
emprego.
© 2014 Residencial Cedeira
Link: DFONLine
|
|