Lonxa: ventas e capturas
Fecha Miércoles, 29 abril a las 10:35:55
Tema PHP-Nuke
A lonxa cedeirense pecha o primeiro trimestre do ano cun saldo
positivo, en canto ao número de capturas, que non descenderon con
respecto ao 2008. Os prezos de comercialización, en cambio, descenderon
con respecto ao mesmo período do ano pasado. A venda de percebe si se
incrementou.
A pesar de que as cifras de vendas de peixe e marisco en Nadal e final
de ano non eran nada halagüeñas na lonxa cedeirense, o certo é que o
primeiro trimestre do ano non se pode dicir que sexa peor que os tres
primeiros meses de 2008, xa que as caputras non descenderon con
respecto ao pasado exercicio. Nalgunhas especies, en cambio, en volúmen
de vendas incrementouse en relación co ano pasado.
Un dato significativo é que a venda de percebe non só non caeu con
respecto a 2008, senón que se capturaron 313 quilos máis deste prezado
molusco. Así, o pasado exercicio extraéronse 4.232 quilos fronte aos
4.545 deste ano. Este dato contrasta coa información dada días atrás
pola Federación Galega de Confrarías, que alertaba dun preocupante
descenso de capturas e da necesidade de tomar medidas.
Tema aparte é o prezo de venda do peixe e marisco, que por regra xeral caeu con respecto á campaña precedente.
Bo exemplo diso é que en 2008 o prezo medio de venda do percebe en
lonxa roldaba os 34 euros o quilo, mentres que neste exercicio está a
venderse a 25,16 euros de media.
En canto ao peixe, nos tres primeiros meses de 2009 non se constatou
unha diferenza significativa en canto á captura de especies con
respecto ao ano 2008, compensándose os incrementos dalgunha variedade
coa redución doutras.
Unha das reducións máis destacadas deste exercicio con respecto ao
pasado é a captura de polbo, pasando dos 42.414 quilos obtidos en 2008
aos 35.316 deste trimestre. Tamén descendeu, aínda que en menor medida,
a extracción doutro dos produtos estrela da confraría cedeirense como a
coquina, pasando de 6.400 a 6.051 quilos. Variedades como a pescada se
estiveron vendendo entre xaneiro e marzo deste ano a 3,42 euros de
media, fronte aos 5,11 de 2008. Tamén se venderon a un prezo máis
económico especies como o abadexo, a acedía, o besugo, o peixe cabra, o
linguado, o rodaballo, a pixota e as huevas de pescada. Pola contra,
nestes meses incrementaron o seu valor pescados como a albacora, a
bertorella e a robaliza, entre outras.
Link: DFONLine
|
|