ASUNTO: COMUNICADO
"VADOS ILEGAIS"
A finais de mes, o mércores 26, no pleno
ordinario de novembro presentaremos unha moción sobre unha discrecionalidade
máis do goberno municipal do PP. Nesta ocasión
o tema vai de VAOS. Non nos referiremos aos otorgados aos garaxes
ilegais da rúa Convento que dan carta de natureza ás tropelías urbanísticas de
Rubido. Neste caso referirémonos a sendos vaos que dan acceso a un patio
interior de uso común das vivendas oficiais da rúa Instituto e Deporte.
Dicimos ben, trátase dos accesos ao
patio interior de uso común non habilitado ao tránsito de vehículos nin
aparcamento de coches. Así o atestigua a División Horizontal do edificio e así
o reivindica a Comunidade de Propietarios. Para máis valor, así o informa tamén
a Policía Municipal.
Recentemente a representación da Comunidade
de Propietarios solicitou no Concello a eliminación destes vaos concedidos no
seu dia a un particular e de palabra foron despreciados polo alcalde D. Luis
Rubido Ramonde e o tenente alcalde D. Alfredo Vilela Santalla. Pero de
contestarlles por escrito, nada. Típico de quen está escamoteando a lei.
O noso grupo interesouse diante do
secretario xeral accidental do axuntamento que atende a ratos libres a plaza de
Cedeira e déronsenos garantías de que este asunto estaría resolto tan pronto estes
veciños volvesen presentar a documentación que lles perderon. Os vecinos
cumpliron, os funcionarios do rexistro tamén, pero o asunto segue no caixón da
inoperancia e da falla de responsabilidade e como non decilo, da ilegalidade.
Outra ilegalidade máis do PP de Cedeira, dous vaos a nome dun particular que
dan accseo a un patio interior onde nunca debera entrar un coche.
En Cedeira, a 10 de novembro de 2014
JOSÉ LUIS VERGARA REY
(Portavoz)
Link: PSdeG-PSOE Cedeira