PSdeG-PSOE CEDEIRA ::: Encontro socialista coa veciñanza :::
Fecha Jueves, 23 octubre a las 19:18:29
Tema PHP-Nuke
 © 2014 - PSdeG- PSOE Cedeira
" RECAUDAR MOITO PARA DESPILFARRAR MÁIS "
Nestes días
están chegando aos nosos fogares os avisos de cobro dos recibos da contribución
e do lixo. Gustaríanos dicir que son solidarios coas familias ou que están ao
mesmo nivel do ano 2011, pero as cargas de hoxe son moi superiores e as
perspectivas anuncian tempos peores.
O PP foi
inmisericorde no 2012 cobrándolle ao contribuínte dous recibos de lixo no mesmo ano. Un deles, de máis de 50 millóns das
antiguas pesetas, correspondíase cunha campaña atrasada que os socialistas non
quixemos cobrar. Non nos parecía razoable castigar á veciñanza nestes momentos.
Non contentos con isto, o goberno dos Rubido subeu a taxa no 2013 e así no la
volve mandar este ano.
A cidadanía
terá que valorar se Cedeira está máis limpa e se a recollida está mellor
atendida. Cedeira terá que valorar se a decisión do PP de privatizar o servicio
por 15 anos, que lle custará mil millóns de pesetas, lle mereceu a pena.
De igual
maneira, o partido que prometía a baixada xeralizada dos impostos, castiga aos
veciños onde máis lles doi, na vivenda. O PP local foi cómplice necesario na
revisión do Catastro, permitindo e ocultando a suba indiscriminada do metro
cuadrado de solo cedeirés. Gracias a que a sociedade se mobilizou lográronse
mitigar en algo os efectos do catastrazo. Os valores sobre os que se aplicarán
os tipos subirán paulatinamente. Pero subirán ata o 2022, de tal maneira que,no
casco urbano, o que valía 100 cos socialistas, pasará a valer 150, coa
bendición do PP.
Tamén se
consigueu que en solo rural se aplicasen neste ano bonificacións do 35% en
algunhas zonas para evitar o gran desfase que puxo en pé de guerra ás
parroquias. Ainda así, o incremento dun 567% no valor das propiedade solo se
veu mitigado lixeiramente. A suba, en termos xerais, do que o Concello
recaudará no rural neste ano, suporá un incremento do 474%.
Se, polo
menos, no outro lado da balanza vísemos que os membros do goberno renunciasen
aos seus inmerecidos sueldos e dietas, poderíamos louvar a coherencia, pero non
é o caso. Soa feo, moi feo, que entre os membros do goberno e as amistades que
os acompañan no concello, se repartan máis de 17.200.000 pesetas cada ano
mentras á cidadanía lle suben todas as cargas.
En Cedeira, a 23 de setembro de 2014
JOSÉ LUIS VERGARA REY
Portavoz do GRUPO MUNICIPAL SOCIALISTA
Link: PSdeG-PSOE Cedeira
|
|