Intereses urbanísticos na correción do PXOM ( Hemeroteca )
Fecha Viernes, 11 julio a las 20:40:02
Tema PHP-Nuke
O portavoz socialista e exalcalde de Cedeira, José Luís Vergara,
denuncia intereses urbanísticos nunha actuación do goberno local.
Trátase dunha corrección de erros tipográficos e materiais no PXOM que
levarán ao pleno da próxima semana e que afectará a todos os espazos
colindantes cos ríos. "A lei establece unha zona de protección de canles
e ríos de cinco metros que nalgún apartado da achaiadura local figura
como 10 metros", explicou.
A modificación solicitada por unha veciña e, que segundo Vergara, non
conta cos preceptivos informes técnicos e xurídicos municipais,
"permitirá de forma inmediata a legalización do edificio de Baturro,
propiedade do concelleiro Alfredo Vilela sobre o que pesaba unha orde de
demolición por constatar a APLU que era ilegal, xa que invadía unha
servidume de protección de canles fluviales", dixo. Na construción tamén
se sitúa un mesón " que non conta coa debida licenza de actividade",
asegura o exalcalde.
Vergara tamén denunciou que a corrección será aprobada co voto do edil
que se vería beneficiado da mesma, ao presentar a soclicitud outra
veciña. "Si isto se aproba a desmoralización democrática sería absoluta, é
un descaro". Tamén sinalou que nos 18 anos que o PXOM leva vigente -
data de 1995 - o goberno popular , "que foi quen o elaborou, casualmente
non detecte este erro".
Pola súa banda, o portavoz do goberno, Luís Rubido, asegurou que a
corrección non só está avalada pola lei "que establece que cando unha
administración detecta un erro é a súa obrigación corrixilo de forma
inmediata para non crear inseguridade xurídica", senón por informes
técnicos e xurídicos da administración autonómica.
"Nós estamos promovendo unha actuación obxectiva que beneficiará aos
veciños, é problema seu si lle dan unha carga suxetiva", sinalou.
Link: DFONPaper
|
|