Política de ornato e de aparencia
Fecha Jueves, 10 julio a las 19:28:21
Tema PHP-Nuke
O portavoz do PSOE de Cedeira, José Luís Vergara, acusou onte ao goberno
local de "incapacidade" para xestionar o problema da EDAR. "Trátase dun
sistema deseñado para tratar augas fecales, augas orgánicas, non para
auga de choiva, e cunha determinada capacidade. Cando supera ese limiar é
cando alivia ao río Condomiñas", explicou Vergara.
Segundo o socialista as posibles solucións pasarían por continuar
implantando unha rede separativa de augas pluviales e fecales ou pola
creación dun tanque de tormentas "no que almacenar as auga pluviales que
aos poucos se irían enviando á depuradora dunha forma controlada para
evitar a súa colapso".
"Habería unha terceira alternativa, que sería a menos desexable, e que
consiste en reactivar o emisario selado por Augas de Galicia fai cinco
anos cando se puxo en marcha a depuradora, de forma que cando sucedan
episodios de vertido como os deste fin de semana, os residuos non queden
aquí á beira", dixo.
Vergara acusou ao PP de non investir "nin un só euro" en tres anos en
emendar este problema. "Eluden responsabilizar a Augas de Galicia por
esta situación e fan alarde de superávit pero non lles gusta investir
nin un só euro debaixo das rúas", sinalou, "porque o deles é facer
política de ornato e de aparencia", puntualizou o portavoz do PSOE.
Tamén lles achacou que non pechasen o areal ante esta situación, "algo
que lles devolvería credibilidade".
Pola súa banda, o goberno dá por resolto este episodio de vertido. A
empresa concesionaria do servizo de limpeza, Oceanida, que se encarga do
mantemento dos areais cedeireses, levou a cabo na mañá de onte unha
nova revisión da praia da Magdalena para comprobar a presenza de novas "bólas" no perfil do areal arrastradas pola marea. "Había algún residuo
puntual que se nos pasou o luns pero foi recollido", sinalou a
responsable do servizo.
Link: DFONLine
|
|