Portal de Noticias Cedeira OnLine Café Bar A MARINA - ANOVA

NOTA DE PRENSA: ALBERGUE “ LOS PINOS”

Anova Cedeira, nada máis constituirse, solicitou do concello a concesión dun local dos varios que pensabamos (e seguimos pensando) que ten, baleiros ou infrautilizados. De principio, os nosos gobernantes, nin sequera se dignaron responder, e, cando o fixeron, porque llelo esiximos, aduciron que nós non somos ninguén (sic) e que se nolo concedían, de seguro que outras moitas asociacións poderían seguir o mesmo camiño e non habería para todos.
Pois ben, vimos de enterarnos (somos novatos na política local) que, estes impresentables, cederon gratuitamente a unha organización de tan fondas raíces locais como é a OJE ferrolá, un magnífico local e por un espazo de nada menos que ¡dez anos!, unha antiga escola unitaria, no lugar da Corredoira (Cervo), para que, como moito, durante un par de meses de verán a utilicen para actividades culturais, deportivas e medioambientais. Polo menos, en Anova, estaríamos encantados de disfrutar de semellante bicoca.

Sempre pensamos que estas escolas deberían ter sido aproveitadas para usos sociais d@s cedeires@s, pero xa vemos que hai quen prefire complacer aos "veraneantes" e desprezar aos veciños que a pesar de todo, é moi posible, que os sigan mantendo aí.

Cousas da vida, que diría Castelao.

Link: ANOVA Cedeira