Portal de Noticias Cedeira OnLine Café Bar A MARINA - Concello de Cedeira

O paro descendeu en abril en Ferrolterra, Eume e Ortegal nun 0,88 %, con 181 demandantes menos que o mes anterior.
As cifras publicadas hoxe pola Consellería de Traballo indican que hai inscritos actualmente 20.378 desocupados nas tres comarcas, que non logra engancharse á tendencia á baixa experimentada no conxunto da comunidade, onde o paro descendeu case un 2,3 %.
Por comarcas, o paro reduciuse un 0,67 % en Ferrolterra, que conta con 17.136 anotados; un 2,67 % no Eume, con 2.294; e un 0,21 % no Ortegal, con 948.
En números absolutos, o sector servizos é o que rexistrou un maior descenso na cifra de parados, con 90 menos, aínda que en termos porcentuais, é a construción, un mes máis, a que concentra a maior redución, cunha baixada do 2,05 %.
De todos os sectores, unicamente creceu o desemprego na agricultura.
O paro só creceu en seis municipios das tres comarcas, Ares, Cedeira, Moeche, Narón e Cerdido.

+Info: Consellería de Traballo :

Link: VONLine - Xunta de Galicia