NOTA DE PRENSA DAS GRATIFICACIÓNS NO CONCELLO
Desde Anova Cedeira queremos poñer de manifesto perante
a cidadanía que os nosos concelleir@s
(agás os que teñen dedicación exclusiva ou plena) reciben unha compensación razoable
por acudir aos plenos municipais e outras reunións como as comisións
informativas ou as mesas de contratación. Ata aquí todo normal.
O que xa non o é tanto é que @s que forman parte do goberno (neste momento, o
PP) cobren nada máis e nada menos que cento
noventa e seis euros (196) por acudir ás sesións da comisión de
goberno, que apenas duran 1 hora
e teñen unha periodicidade semanal. Nos tempos que corren é inmoral que por
catro horas de traballo ao mes se cobren case 800 euros, bastante máis que o salario
mínimo interprofesional.
Isto que estamos denunciando está
vixente desde xullo de 2011, cos votos a favor do PP e a abstención dos grupos
da oposición. Cómpre rectificar, xa!
Extracto da acta de aprobación.
. Por asistencias a órganos colexiados da Corporación os membros electos que non teñandedicación exclusivaou parcialpercibirán as seguintes contías:
a) Por asistencias a sesións da Xunta de Goberno Local:
196,00€.
b) Por asistencias a sesións de Plenos, Comisións Informativas e Mesas de contratación:
60,00€.
As asistencias aboaranse logo de aprobación por Resolución de Alcaldía
Dcto, acta (PDF): preme aquí
Link: ANOVA Cedeira