Concello de Cedeira - C.E. Persoal Laboral
Fecha Lunes, 07 abril a las 19:00:14
Tema PHP-Nuke
Comité
de Empresa do persoal laboral do Concello de Cedeira
Nota de prensa:
Este comité de empresa ten coñecemento, a través dos
medios de comunicación das acusacións vertidas en contra dun
traballador municipal que non nomean de uso fraudulento dun vehículo,
e vista a contestación do actual Alcalde do Concello de Cedeira a
esta cuestión tamén a través da prensa queremos manifestar o
seguinte:
-
Se o grupo político que fai a denuncia publica ten
probas desta irregularidade que as mostre senón teremos que
entender que é unha vulgar calumnia, que os deixa cando menos en
moi mal lugar.
-
Se diga publicamente de quen están a falar por dúas
razóns, a primeira para darlle oportunidade de defenderse a persoa
aludida e a segunda para que esta situación non salpique o resto de
profesionais e sembre a dúbida poñéndonos a todos no mesmo punto
de mira.
-
Estamos de acordo que se controlen situacións que
podan ser irregulares pero garantindo o dereito o honor dos
interesados.
-
Preguntar o actual rexedor se a contestación dos
medios de comunicación mostra de forma fiel as súas palabras, polo
que de ser así poderiamos entender que alguén esta tendo trato de
favor por parte do Concello, todos os profesionais deste Concello
actúan coa dedicación necesaria e proporcional as tarefas
encomendadas polo que estarían tamén no mesmo dereito se fose o
caso de usar aleatoriamente os vehículos para o seu desprazamento
os seus fogares.
-
Demagoxia e populismo da boina entendemos son as
situacións nas que os políticos inclúen nas súas axendas
propagandísticas os profesionais da administración para edulcorar
o “relaxin cup of café na Praza Roxa” de certas persoas
predispostas a escoitar os razoamentos de pouca eficiencia pública,
cando deberían defender xustamente o contrario, xa que contan con
profesionais moi formados e con unha amplia experiencia de traballo.
Jose Angel Picos Loureiro – Presidente do Comité de
Empresa do Persoal Laboral do Concello de Cedeira.
Cedeira a 7 de Abril de 2014
Link: CE Persoal Laboral Concello de Cedeira
|
|