San Andrés de Teixido :::: €€€€€€€€ ::::
Fecha Martes, 14 enero a las 06:38:07 Tema PHP-Nuke
Co obxecto de converter San Andrés de Teixido nun exemplo da
arquitectura tradicional galega, o alcalde de Cedeira, Luís Rubido,
mantivo a pasada semana unha reunión coa delegada territorial da Xunta,
Belén do Campo e cos propietarios dos postos de venda situados na
contorna do santuario.
A intención da administración local é solicitar o apoio económico do
goberno galego para continuar co proxecto de posta en valor do lugar
iniciado o ano pasado con mellóraa das fachadas das 22 vivendas
unifamiliares que compoñen o núcleo poblacional. Unha actuación que foi
financiado pola Axencia de Turismo de Galicia con 100.000 euros.
A Xunta de Galicia comprometeuse agora a darlle continuidade a este
proxecto rehabilitador actuando sobre elementos arquitectónicos como
hórreos ou fontes do lugar.
Durante a reunión mantida con Belén do Campo, tamén se acordou a
homogeneización dos postos de venda presentes na contorna do santuario,
unificando a súa estrutura e dotándoos de personalidade propia. Neste
caso, Do Campo tamén comprometeu a colaboración económica da
administración autonómica.
No encontro tamén participou unha representante da Fundación Artesanía
Galega coa que se tratou a necesidade de potenciar a venda de produtos
de artesanía autóctonos.
Link: DFONLine
|
|