PSdeG-PSOE Cedeira - MAIORES
Fecha Martes, 10 diciembre a las 13:27:25
Tema PHP-Nuke


ASUNTO:

“Solicitude de cese do expolio do mobiliario do centro de maiores da Rúa Convento e demanda de que as actividades dirixidas á xente maior se sigan a realizar neste centro”


SRES. CONCELLEIROS E CONCELLEIRAS
GRUPO MUNICIPAL DO PARTIDO POPULAR

          A conducta que o seu goberno está a levar a cabo coa xente maior adquire por momentos niveis que avergoñan á xente sensata deste pobo que, humildemente cremos, son maioría. O primeiro foi tentar desprazalos, sen información e sen diálogo, a un sitio que non queren. Como a política do “trágala” non lle deu resultado, agora están procedendo de maneira máis sibilina.

         Preténdese, pouco a pouco, ir horadando a vontade de quenes, tarde tras tarde, desde fai moitos anos xa, usan a cafetería do auditorio para botar una parolada, una partida á baraxa ou simplemente unhas risas, coas veciñas e veciños de toda a vida. Se lles seguen a quitar mesas, substituíndolles as cadeiras boas por outras mercadas nun “todo a cen”, levándolles armarios e sofás, estámolas, simplemente, acosando.

          Se por riba, lles obligan a desprazarse para asistir a cursos que lles son moi beneficiosos, coma o da memoria, están exercendo unha nova presión para que abandonen as súas costumes forxadas ao longo de anos e así desistan na asistencia ao centro de maiores da Rúa Convento. Non é propio de dirixentes honrados manipular aos máis débiles desta maneira.

         Por todo o exposto solicitamos de todos os concelleiros e con celleiras do Partido Popular se compadezan dos sinsabores e contrariedades ás que están a someter á xente de idade que veñen disfrutando dun centro de maiores que era a envexa do contorno. Pedímoslles que se adianten ao conflicto que a súa decisión está incubando entre, agora sí, toda a poboación de Cedeira, deixando de levarlles o mobiliario e as actividades que, desde sempre, se viñeron realizando no centro de maiores da Rúa Convento.

                     Cedeira, a 09 de novembro de 2013



© 2013 - PSdeG-CEDEIRA

Dtco. orixinal (PDF): preme aquí


Link: PSdeG-PSOE Cedeira






Este artículo proviene de Portal de Noticias Cedeira OnLine Café Bar A MARINA
http://localhost/nuke81

La dirección de esta noticia es:
http://localhost/nuke81/modules.php?name=News&file=article&sid=2302