BNG - CEDEIRA
Fecha Viernes, 06 diciembre a las 11:01:42 Tema PHP-Nuke
A triste renuncia dun alcalde
Onte,
xoves 5 de decembro do 2013 celebrouse un pleno extraordinario urxente no
Concello de Cedeira con motivo da renuncia aos cargos de alcalde e concelleiro
do PP do Sr. Leopoldo Rubido Ramonde.
É
verdade que levábamos moito tempo escoitando rumores, circulaban por toda a
vila xa dende antes do verán, de que isto ía pasar e ao BNG non é que nos
collera a noticia por sorpresa. O que si nos pareceu sorprendente foron as
formas nas que se produciu a renuncia.
Convócase
un pleno extraordinario urxente dun día para outro cando o pasado venres, 29 de
novembro se celebraron non unha senón dúas sesións plenarias, unha ordinaria e
outra extraordinaria e ademais a convocatoria de hoxe era para as 9.30 da mañá,
cando practicamente todos os plenos que se levan celebrado nesta lexislatura
nunca son antes das 12, houbo algún incluso ás 13:30.
A
convocatoria tan de mañá fíxosenos un tanto rara e parecía como si non se
quixera darlle moita publicidade ao asunto e incluso había quen dicía que a
hora era esa para evitar que houbera público.
Unha
vez iniciado o pleno o aínda alcalde procedeu a ler o discurso da súa renuncia
no que sinalou que deixaba os cargos para darlle paso a xente nova e ademais de
darlle grazas a Deus por terlle axudado na súa adicación política e manifestar
a súa lealtade ao Rei de España non dixo nada máis. Perdón si que deixaba o
pobo precioso…É ese o discurso político dunha persoa que leva dende o ano 1973,
agás dúas lexislaturas de alcaldes do BNG e do PSOE, gobernando Cedeira? Só
pode facer ese balance do seu goberno case infinito? Non resulta realmente moi
triste despois de corenta anos en política non ter nada máis que dicir?.
Imaxinamos que evitou todo o que el
consideraría que sería darnos pé á oposición para que nos extendéramos
explicándolle que é realmente o que o pobo de Cedeira lle debe, o gran
desenvolvemento urbanístico (rúas de novo trazado con ángulos imposibles,
estreitas, desfeita de prazas e inmobles con valor patrimonial, gran sistema de
saneamento…) as boísimas vías de comunicación que fixeron florecer un
desenvolvemento empresarial sen parangón, o perfecto estado da praia da
Magdalena, o exercizo dunha política propia dos anos 70 ou anteriores que nunca
abandonou…, en fin poderíamos encher páxinas e páxinas poñendo a xestión
política deste señor no seu sitio.
Pero
volvendo ao pleno de onte, o BNG aproveitamos a despedida do alcalde para
dicirlle que o que debería era pedir desculpas sobre todo pola súa falta de
respecto ás persoas maiores que asistiron a todos os plenos nos que se trataba
o polémico tema do traslado do local social de maiores do auditorio a un local
alugado na praza Roxa. Falta de respecto que foi moi evidente no pleno
extraordinario do 29 de novembro onde sen ter en conta a ninguén, rematou a
sesión cando mellor lle pareceu. Desculpar non se disculpou, rematou a sesión o
máis axiña que puido e desapareceu.
Por
todo isto é polo que dicíamos ao principio que nos pareceu todo moi triste, moi
feito á presa como índose pola porta de atrás e sen dar ocasión a nadie de que
se achegaran a falar con el, non houbo nin aplausos ao remate, en fin o dito
unha tristeza.
María
Xosé Rodríguez Pérez, portavoz municipal do BNG de Cedeira
© 2013 - BNG Cedeira Dcto. orixinal (PDF) : preme aquí
Link: BNG Cedeira
|
|