Dimite Leopoldo Rubido, histórico alcalde popular
Fecha Miércoles, 04 diciembre a las 23:46:23 Tema PHP-Nuke
Leopoldo Rubido Ramonde, alcalde de Cedeira desde os últimos tempos do
franquismo coas únicas excepcións de dúas legislaturas, presentará mañá a
renuncia aos cargos de alcalde e concelleiro nun pleno extraordinario e
urxente convocado mañá . Rubido presentou o escrito de renuncia no
rexistro municipal onte martes, e non transcenderon as razóns da súa
súbita decisión.
Leopoldo Rubido (Cedeira, 1942), graduado social e profesor de
secundaria en excedencia, foi designado alcalde en 1973. Catro anos
despois, xa morto Franco e dando as boqueadas o seu réxime, tomou a
polémica decisión de levantar un monolito na súa memoria, que acabou
inaugurando outro exégeta da ditadura, Gonzalo Fernández da Moura.
Logrou democráticamente a alcaldía con Coalición Democrática primeiro,
Alianza Popular despois e finalmente Partido Popular. En 1999 perdeu o
bastón de mando a favor do nacionalista Xoan Xosé Rodríguez Pérez.
Recuperouno nas seguintes eleccións, para entregarllo en 2007 a unha
coalición de PSdeG-PSOE, BNG e TEGA encabezada polo socialista José Luís
Vergara.
Nas últimas eleccións volveu obter a maioría absoluta e a alcaldía. Foi
tamén deputado provincial desde 1983, e senador entre 1993 e 2000. Un
irmán seu, Luís Rubido Ramonde, é o segundo Tenente de Alcalde e
concelleiro de Facenda, Turismo, Cultura e Urbanismo.
Link: El Pais - Galicia
|
|