PSdeG-PSOE Cedeira - MAIORES
Fecha Lunes, 02 diciembre a las 18:20:05 Tema PHP-Nuke
CONCELLO DE CEDEIRA
GRUPO MUNICIPAL SOCIALISTA
José Luis Vergara Rey
ASUNTO: COMUNICADO OPINIÓN PÚBLICA
O PP de Cedeira leva cos maiores unha política autoritaria, de capricho e despilfarro.
O menos que se lle debe
pedir aos representantes da soberanía popular é que non causen problemas alí onde non existen. Pois ben, a actual ubicación
do centro de maiores de Cedeira non presentaba ningún problema. Foi a decisión do
PP a responsable do grave disgusto provocado entre este segmento da nosa
poboación e conseguintemente a toda a veciñanza do municipio. Oitocentas
firmas, recollidas non abrir e pechar de ollos expresan fielmente esta desazón.
A accesibilidade do actual centro de maiores non ten mácula. Rampas, amplo
ascensor e baños, cumplen as normas máis esixentes. No seu dia supuxo unha
enorme inversión que o goberno do BNG e PSdeG-PSOE levaron a término e os
poderes públicos deberían ser quen de amortizar, sexan da cor que sexan.
O actual centro de
maiores está enriba do auditorio. Os nosos maiores poden, sen esforzo, acceder
ás actividades culturais que aquí se realicen. Teñen espazos para conferencias,
biblioteca, medios audiovisuais, tecnoloxías da información e da comunicación,
e posiblidades de ampliación e incorporación de novos espacios que permitan
ofrecer servicios de fisioterapia, perruquería, mantemento, cursiños, etc.
O noso centro de maiores está
dotado con toda a infraestructura
que lle permite contar cun expléndido sistema de climatización, iluminación e
moi servida cociña que o fai especialmente idóneo para acoller un público
delicado de saúde a ávido de novas ofertas, como as de tipo culinario, na terra
onde as materias primas e o amor pola boa cociña forman parte fundamental da nosa
carta de presentación.
Nestes momentos de paro e
privacións que se extende coma un virus entre a sociedade cedeiresa, meter sen
necesidade 48.000 euros, máis IVE (21% se non sube, que subirá), máis
electricidade, instalación dun sistema de climatización do que o recén
adquirido local carece, combustible, mobiliario, limpeza, etc. aproxímase máis
a prácticas de señoritos ociosos que
ás maneiras dunha sociedade laboriosa e seria.
O actual goberno do PP
dificúltanos aos socialistas o acceso ao expediente polo que foi cedido o solo,
polas irmás de María Mediadora, para a construcción do actual centro de maiores
e auditorio. Rubido afirmou no Pleno
Extraordinario do venres 29, que descoñecía esa solicitude socialista. O actual
alcalde ponse en evidencia, faltando á
verdade desta maneira tan burda, porque temos a súa contestación, firmada por
el, na que nos dan largas para acceder á documentación solicitada (necesidades
do servicio, problemas de recopilación,…)
No pasado Pleno do 29 de
novembro, o PP negou o seu compromiso, nin co seu voto no propio pleno, nin coa
firma por escrito fóra del, a permitir que os maiores continúen contando co seu
centro no auditorio. Utilizar subterfuxios legais para non votar no Pleno,
ocultándose detrás dun informe da nova
secretaria xeral ( sen dúbida “inmaculado”) presentado, por sorpresa para
nós, no propio pleno como derradeiro gran argumento, non esconde a actitude escapista
do PP. Pon de manifesto, sin embargo, a falta de amparo institucional dos
socialistas a respecto do asesoramento leal ao que tamén teñen dereito.
Sen dúbida, esta ausencia
de claridade hai que buscala na idea desta dereita rancia e casposa, de
meterlles alí actividades que distorsionen a súa tranquilidade. Detrás desta
indefinición, os Rubido esconden na manga intencións inconfesables de facerlles a vida imposible coa
irrupción no seu espacio de colectivos que sempre tiveron esquecidos e que
utilizarán para expulsar aos maiores do seu centro.
O PP ten que explicar qué hai detrás destas decisións. Qué se propón facer coas magníficas
instalacións das que disfruta en Cedeira a xente de idade. Nada informa
tampouco do proxecto que quere levar a cabo na Praza Roxa co que tanto se lle
enche a boca e do que nada se sabe.
Algo se está cocendo na
trastenda do PP, algo se traen entre
mans, máis aló da patética tozudez de quen non está disposto a rectificar
unha pésima decisión. Oitocentas firmas, o reparo da intervención, a
investigación do defensor do pobo, as disensión no seo do seu propio grupo,
aparte da firme oposición dos 6 concelleiros da oposición, non son quen de
facer que o PP, comandados polos irmáns Rubido tome en consideración a súa
decisión.
Por todo elo, os
socialistas de Cedeira situados ao lado da plataforma que reúne aos maoiores, solicitaremos
outro PLENO EXTRAORDINARIO (Os socialistas poñemos as prerrogativas que
nos deron os votantes, máis da legal e necesaria cuarta parte da corporación,
ao servicio do que o pobo demande) no que pediremos garantías de calidade para
os maiores que desexen continuar na súa
actual ubicación, e incluso iremos máis alá, reivindicando mecanismos de xestión democrática que permita aos
maiores, ser parte activa e protagonista no uso destas instalacións.
En Cedeira, a 2 de deecembro do 2013
JOSÉ LUIS VERGARA REY
PORTAVOZ DO GRUPO MUNICIPAL
SOCIALISTA
© 2013 - PSdeG-PSOE Cedeira
Dcto. orixinal (PDF) : preme aquí
Link: PSdeG-PSOE CEDEIRA
|
|