A piscina de volverá funcionar nun mes e medio
Fecha Sábado, 18 abril a las 12:27:03 Tema PHP-Nuke
Logo de permanecer preto de once meses pechada, a piscina municipal de
Cedeira entrará de novo en funcionamento dentro dun mes e medio. Así o
asegurou onte Xermán Tobío, concelleiro de Terra Galega no Concello da
localidade e responsable da área de Deporte. Foi a finais do primeiro semestre do pasado ano, segundo o edil, cando
o mal estado da estrutura da cuberta da piscina obrigou ao concello a
suspender a súa actividade. De feito, explica o responsable municipal,
«un informe técnico de 2008, que sinalaba o delicado estado no que se
atopaba, instaba ao Concello a pechar a pisicina e a acometer obras».
Por iso, e tras permanecer pechada varios meses «polo perigo que
representa o seu estado», finalmente esta semana comezaron os traballos
de mellora, explica o edil. E fano agora «logo de cmprir con toda a
burocracia que supón pór en marcha unhas obras». Así, durante os
próximos días, a empresa adxudicataria dos traballos cambiará a cuberta
da piscina e mellorará a climatización, a iluminación, a instalación
eléctrica e a fontanería. Xa en setembro do pasado ano, o Concello
actuou de urxencia para retirar o falso teito que amenzaba con
derrubarse. Ademais, explica o edil, o Concello aproveitará para
substituír o tellado do polideportivo, próximo á piscina.
O edil asegura que unha vez se renove a actividade na piscina
municipal, o concello respectará os bonos adquiridos polos seus
usuarios antes do peche da instalación, a finais do primeiro semestre
do pasado ano. «O tempo que a piscina estea pechada non contará»,
asegura o concelleiro. Preto de 500 veciños de Cedeira fan uso das
instalacións. Segundo estima Tobío, a piscina ten «preto de 21 anos e
nunca sufriu obras de mellora, polo que estas reformas eran necesarias».
Link: VONLine
|
|