Concello de Cedeira - Maiores
Fecha Miércoles, 23 octubre a las 08:55:43 Tema PHP-Nuke
A xunta de goberno local de Cedeira aprobou o contrato
de aluguer dun local na praza Roxa, hai pouco máis dunha semana,
para crear un novo centro de maiores, despois de que o alcalde, o
popular Leopoldo Rubido, levantase o reparo emitido polo interventor. O
técnico advertía, nunha nota do 19 de xullo, da ausencia de «requisitos
esenciais» como o certificado de eficiencia enerxética, un orzamento
valorado das obras de acondicionamento, autorizacións sectoriais ou da
comunidade de propietarios.
«Urxencia» da contratación
«Todas estas cuestións son aspectos menores
dentro do expediente e existen dúbidas sobre a súa necesidade. Pesa máis
a urxencia de contratación por tratarse dun local moi ben situado e con
outras ofertas», aduce a resolución da Alcaldía do 4 de setembro.
Noutro punto do escrito xustifica a elección do local polo custo do
arrendamento, «por debaixo do prezo do mercado». O Concello pagará 700
euros ao mes durante o primeiro ano, 900 o segundo e 1.200 a partir do
terceiro, cun contrato por catro anos, prorrogable por outros tantos.
Link: VONLine
|
|