BNG Cedeira - Expediente do aluguer local de maiores
Fecha Viernes, 11 octubre a las 18:31:10
Tema PHP-Nuke
Ante a solicitude feita polo grupo municipal do BNG , presentada por escrito no rexistro municipal do Concello o pasado 3 de outubro, relativa á consulta do expediente do aluguer dun baixo na praza Roxa ao que se pretende trasladar o local social de maiores de Cedeira, a resposta-resolución da alcaldía foi que poderemos consultalo cando a tramitación do expediente estea rematado. Indícase ademais na mesma resolución que no prazo de 15 días dende a formalización do contrato en documento administrativo permitirásenos a súa consulta. É dicir a día de hoxe, 11 de outubro, non tivemos aínda acceso ao contrato de aluguer porque o contrato aínda non está formalizado ou o que é o mesmo asinado.
Todo isto non deixa de sorprendernos; primeiro o portavoz municipal do grupo do goberno popular no último pleno celebrado no Concello o 25 de setembro, négase a darnos datos ao respecto dos costes do referido contrato e ínstanos a que consultemos o expediente e agora resulta que non podemos acceder de momento ao contrato de aluguer porque este non está formalizado. Alguén o entende?.
Sen olvidar que no local da praza Roxa estanse a realizar obras de remodelación ou acondicionamento, calquera que pase por alí pode velo, o que nos sorprende aínda máis posto que si o contrato non está aínda formalizado como pode estar o goberno municipal facendo obras no baixo?
O BNG defendemos dende sempre que a xestión dun goberno municipal ten que ser clara e transparente e neste caso é obvio que non o está sendo por iso imos seguir insistindo en que todos os veciños e veciñas desta vila temos dereito a saber e a que se nos expliquen tanto as razóns da toma de decisión do cambio de local dos nosos maiores, coa evidente oposición dos mesmos, como se pensaba trasladalos o 1 de outubro cando aínda non está formalizado o contrato de aluguer e como se están a realizar obras de acondicionamento sen un contrato asinado.
María Xosé Rodríguez Pérez, portavoz municipal do BNG de Cedeira
Link: BNG Cedeira
|
|