A adjudicataria da xestión da cafetería do auditorio municipal de
Cedeira «seguirá explotándoa, polo menos un tempo, como acordou a xunta
de goberno, aínda que o contrato vence o 30 de setembro», asegura o
portavoz do executivo local. O servizo manterase «polo menos» mentres
non finalicen as obras do local alugado polo Concello na praza Roxa
e, segundo manifestou o popular Luís Rubido no último pleno, podería
continuar, á marxe da apertura do outro espazo, atendendo a demanda
vecinal.
Desde a plataforma cívica SomosCedeira alertan de «supostas
irregularidades» no arrendamento dun baixo privado, «a dedo».
«Consultados expertos en contratacións administrativas públicas,
chegamos á conclusión de que hai serios indicios dunha actuación ilícita
por parte do Concello», afirman. E é que, argumentan, neste caso non se
abriu ningún procedemento de adjudicación, no que deberían valorarse
criterios como a oferta económica, o emprazamento e o estado do local,
ou o seu adecuación ao uso previsto. Co agravante, advirten, de que o
dono do inmueble «é parente do alcalde».
© 2013 - La Voz de Galicia
Link: VONLine