O Percebe de Ouro para o Festival Celta
Fecha Miércoles, 11 febrero a las 11:26:48 Tema PHP-Nuke
O Ortegal será o
protagonista da Gran Noite de Galicia en Barcelona, que se celebra o
venres 20 no Palacio de Congresos de Cataluña
Na
XXVII Gran Noite de Galicia en Barcelona, organizada pola Enxebre
Xuntanza do Percebe, desembarcará todo o Ortegal. Primeiro, e sobre
todo, porque a insignia máis importante das que se conceden nesa
velada, o gran trofeo Percebe de Ouro, vai parar ó Festival de
Ortigueira. É un recoñecemento á súa difusión de Galicia no resto de
España e no estranxeiro. Pero haberá tamén varios alcaldes e ex
alcaldes da zona, que recibirán insignias de ouro e pasarán a formar
parte da asociación. Ferrolterra destacará tamén no menú, pois moitos
dos mariscos que se servirán na copiosa cea proceden dos mares e rías
do Noroeste.A festa celebrarase o 20 de febreiro, no Palacio de
Congresos de Cataluña. Entregaranse as insignias Percebe de Ouro a,
entre outros, ós alcaldes de Neda (José Ignacio Cabezón), Cedeira (José
Luis Vergara), Mañón (Alfonso Emilio Balseiro), Cariño (José Luis
Armada), A Capela (Ángel López) e Ortigueira (Rafael Girón). Tamén a
Pablo Villamar, vicepresidente da Deputación da Coruña.
Tamén se entregará a Praca de Prata ó Centro Superior de Hostalería de Galicia e o Gran Percebe de Prata ó porto de Celeiro.No
menú que degustarán as máis de 1.500 persoas que participan nesta festa
figuran empanadas varias de Neda, berberechos de Barallobre, percebes
de Cedeira, salsa de ameixas das Pías (para acompañar a pescada), bola
e proia de Neda, tarda de Ortigueira e requeixo da Capela con mel. A
Enxebre Xuntanza do Percebe é unha asociación sen ánimo de lucro
formada por emigrantes galegos afincados en Cataluña que busca
estreitar os lazos entre as culturas galega e catalá.Na edición
do ano pasado tamén tivo moita importancia Ferrolterra, xa que se
premiou ó Plan de Dinamización Turística Ferrol-Ortegal. Link: DFONLine
|
|