Veciños e visitantes teñen unha cita este sábado en Cedeira coa música e
o baile tradicional galego. Un ano máis, a Praza do Sagrado Corazón de
Cedeira será escenario do Festival de Verán de Buxainas. O certame, que
constitúe xa unha referencia no calendario festivo local, está
organizado pola asociación cultural local que lle dá nome e dará comezo a
partires das 19 horas. Así mesmo, na súa organización colabora o
Concello de Cedeira a través da súa Concellería de Cultura. O Grupo de
Gaitas e Baile “Espalladoiro” do Centro Galego de Llodio, en Euskadi, a
Banda de Gaitas da Asociación Cultural Rosalía de Vilaboa e a
Asociación Cultural Buxainas integran o cartel do festival. Un festival
que abrirá e pechará a entidade promotora. Así, seguindo a música que
marcarán as cantareiras, uns noventa nenos e adultos, de catro anos en
adiante, subiránse ao escenario para ofrecer ao público as mellores
pezas de baile. Por último, dende a asociación Buxainas e o Concello
quérese facer unha invitación moi especial a veciños e visitantes para
que disfruten, un ano máis, do Festival de Verán.
© 2013 - Concello de Cedeira
Link: Concello de Cedeira