Concello de Cedeira - Enerxías renovables
Fecha Jueves, 11 abril a las 17:44:32
Tema PHP-Nuke
O Concello de Cedeira ultima os preparativos do que será a primeira
feira sectorial de enerxías renovables da vila. Unha iniciativa,
suscitada xa o pasado ano pola administración local, que finalmente
levarase a cabo o próximo de mes de maio -ou primeira quincena de xuño-
no casco histórico da localidade cunha formulación máis modesta do
pensado nun principio -estaba previsto que se situase no polígono
industrial da Trabe e con carácter autonómico-.
Segundo avanzou o portavoz municipal, Luís Rubido, ata agora só está
contratada a Feira do Sol, unha exposición informativa na que se
divulgarán os beneficios e usos da enerxía solar no ámbito doméstico. A
administración local traballa agora en pechar a presenza de diferentes "stands" nos que se darán a coñecer os equipos actualmente no mercado,
facilitando así a implantación de enerxías renovables nos fogares, con
especial incidencia da biomasa. O obxectivo non é outro que o de
promocionar o uso doméstico destes sistemas entre os veciños.
A cita que levará o nome de "Galeco" nace así con vocación de
consolidarse e crecer en anos sucesivos, tendo en conta que como indicou
Luís Rubido, "o orzamento limitounos moito esta vez". A intención do
Concello é solicitar agora o apoio de comerciantes e hosteleros da zona
para impulsar a organización do evento.
Link: DFONLine
|
|