O imparable deterioro do pavimento das rúas do casco histórico de
Cedeira urge unha solución. No pleno do mes de xaneiro o PSOE instó ao
goberno local a negociar coa constructora a reparación. Na sesión do
mércores o executivo do popular Leopoldo Rubido asegurou que o intentou,
sen éxito, e o portavoz socialista, José Luís Vergara, dixo que a
compañía non recibira comunicación algunha do Concello.
Ante esta situación, os populares propuxeron crear unha comisión,
integrada por representantes de todos os grupos da corporación, para
tratar de negociar coa firma a revisión e mellora do pavimento. «Vou
esperar a que nos convoque o PP... Confío en que non sexan lumes de
artificio», manifestou Vergara. «Vergara (promotor da actuación) levaba
anos sen residir en Cedeira e non sabía cales eran as demandas dos
cedeirenses», reprochou o portavoz do goberno municipal.
Luís Rubido recordou que parte do pavimento xa fora renovado polo
bipartito, no mandato 1999-2003. E dixo non entender por que se optou
por reducir o grosor do firme. «É unha herdanza envenenada. Imos a un
preito, prohibimos o tráfico?», preguntouse, escéptico achega do
resultado dos contactos coa empresa.
© 2013 - La Voz de Galicia
Link: VONLine