Concello de Cedeira - TURISMO
Fecha Sábado, 23 marzo a las 17:49:15
Tema PHP-Nuke
Co fin de mellorar os servizos turísticos do municipio, o Concello de
Cedeira proxecta habilitar un área para autocaravanas no paseo marítimo
da Magdalena. A decisión nace do encontro que o alcalde, Leopoldo
Rubido, mantivo recientemente cos responsables da Asociación Galega de
Autocaravanas -AGA-, unha entidade formada por 360 familias asociadas. A
administración local xa traballa na procura de financiamento externo
vía subvención para levar a cabo o proxecto toda vez a tendencia ao alza
que experimentou este tipo de turismo nos últimos anos, non só no que
ao territorio nacional refírese, senón tamén na vila cedeiresa, sobre
todo durante os períodos vacacionales de verán e Semana Santa. Segundo
sinalan desde o Concello, aínda sen a axuda doutras administracións, a
pretensión é habilitar a infraestructura con fondos propios.
A área de servizo contaría cun punto de baleirado de augas grises -as
orixinadas pola ducha, o lavabo e o fregadero do vehículo-, para o
baleirado de augas negras, unha toma de abastecemento, un punto de
recolleita de lixo doméstico, a correspondente señalización e un panel
de información turística. As previsións da administración local pasan
por dispoñer destas novas instalacións de face ao período estival.
Link: DFONLine
|
|