Concello de Cedeira - ITV maquinaria agrícola
Fecha Miércoles, 06 marzo a las 18:05:26
Tema PHP-Nuke
O Concello de Cedeira informou de que a unidade móbil da ITV para
maquinaria agrícola se desprazará este venres á vila para realizar as
correspondentes revisións. Deste modo, permanecerá no polígono da
Xunqueira, fronte á nave industrial de Náutica Cedeira en horario de
mañá, de 9 a 13,30 horas. Así mesmo, a mesma unidade regresará o luns,
11 de marzo, aínda que nesta ocasión tamén prestará os seus servizos en
horario de tarde, de 15,15 a 18 horas. O Concello tamén lembra que o
martes, día 12, visitará a vila outra das unidades móbiles da ITV. Neste
caso, para ciclomotores de dúas rodas e máis de tres anos ou motos e
quads con máis de catro anos de antigüidade. Os propietarios destes
últimos tipos de vehículos interesados en realizar as súas revisións
poden solicitar cita previa na web www.sycitv.com ou nos teléfonos 902
309 000 e 881 920 487.
Link: Concello de Cedeira
|
|