© 2013 - Concello de Cedeira
O Concello de Cedeira ofrecerá clases de surf durante os domingos do mes
de marzo. Unha iniciativa que parte da Concellería de Deportes en
colaboración coa Escola de Surf Pantín Classic e que busca promover a
práctica desta disciplina entre os veciños e veciñas da vila,
especialmente entre os máis novos. Así, as sesións levaránse a cabo os
días 10, 17, 24 e 31 en horario de 11 a 13 horas. A participación é
gratuíta e, para anotarse, as persoas interesadas deben dirixirse ao
pavillón polideportivo. As prazas están limitadas a 20, cinco por
xornada e, en caso de que a demanda exceda o cupo, asignaránse por
sorteo. A única condición para participar é saber nadar e ter dez ou
máis anos. Por último, o Concello anima a veciños e veciñas a
inscribirse nesta iniciativa.
Link: Concello de Cedeira