Concello de Cedeira - Obras
Fecha Martes, 12 febrero a las 09:51:05 Tema PHP-Nuke
Quen circulen pola localidade de Cedeira non tardarán en atoparse con
novos sinais, que advertirán da presenza de pasos elevados de peóns
en varios puntos da localidade. O Concello solicitou á Xunta de Galicia
unha subvención de 50.000 euros para instalar os denominados reductores
de velocidade, co propósito de obrigar a baixar a marcha dos vehículos,
dando prioridad aos peons e eliminando barreiras arquitectónicas.
Está previsto elevar o nivel dos pasos de cebra nas rúas que conflúen
coas avenidas de Castelao, A Area e España: José Pascual López Cortón,
Amor Fermoso, Pontes de García Rodríguez, Cerdido, San Sadurniño,
Salinas, Río Veiga, Cuartel e avenida de España. Os novos pasos
situaranse ao mesmo nivel das beirarrúas «para facilitar os
desprazamentos de persoas con movilidad reducida», explican desde o
Concello. E distinguiranse polas bandas brancas, duns 50 centímetros de
ancho, que se pintarán sobre as rampas de acceso e saída, igual que na
calzada, un metro antes de cada paso.
A axuda reclamada ao Goberno autonómico servirá, ademais, para renovar o
pavimento das beirarrúas da rúa José Pascual López Cortón, «actualmente
afundidas na parte central, onde a acumulación de auga provoca o desvío
do tráfico peatonal ao vial», constatan fontes municipais. Substituirán
as baldosas e o bordillo actuais para gañar pendente e evitar así que
volva a anegarse.
Desde o goberno que preside o popular Leopoldo Rubido subliñan os
beneficios que carrexan os pasos elevados de peatones, «pola súa
capacidade para reducir o ruído e as emisións que producen os vehículos
motorizados», posto que terán que minorar a velocidade. Ademais de
reforzar a seguridade vial dos peatones e favorecer a accesibilidad para
cruzar desde as beirarrúas, xa sexa nunha cadeira de rodas ou empuxando
un carrito da compra ou de bebé.
Link: VONLine
|
|