Concello de Cedeira - Cea de Entroido para os maiores
Fecha Jueves, 07 febrero a las 18:11:45
Tema PHP-Nuke
O Concello de Cedeira prevé reunir a un centenar de maiores da vila este
sábado na cea de Entroido que promove a propia Administración local. A
maioría deles, usuarios e usuarias do Centro Municipal da Terceira
Idade, aínda que aberta a todo o colectivo de maiores. Así, as persoas
interesadas en participar todavía poden facelo chamando ao teléfono 650
779 862. A cita dará comezo a partires das 22 horas, nun céntrico
restaurante da vila, e o prezo do menú é de 13 euros.
Ao remate, os
maiores poderán continuar coa celebración do Entroido no Parque do
Sagrado Corazón, onde o Concello programou unha gran verbena coa
actuación da orquestra D´Moda. Unha actuación que porá o broche de ouro á
xornada, xa que pola tarde, a partires das 17,30 horas, as rúas de
Cedeira acollerán o desfile de disfraces con premios para os mellores. A
cea que promove o Concello inclúese nun calendario de actividades
pensado para os maiores e que contempla excursións periódicas ou
accións como ximnasia terapéutica, de mantenemento ou talleres de
memoria. Estas últimas, no Centro Municipal da Terceira Idade.
Link. Concello de Cedeira
|
|