Concello de Cedeira - Emprego municipal
Fecha Miércoles, 12 diciembre a las 11:53:41 Tema PHP-Nuke
O Concello de Cedeira implantará un sistema de control dos horarios dos
traballadores municipais que permita combater o absentismo laboral. O
goberno que preside o popular Leopoldo Rubido segue o ronsel doutros
concellos, co ánimo de «conseguir unha administración máis eficiente», o
que na práctica traducirase nunha vixilancia máis estrita da entrada e
saída do persoal nas dependencias municipais.
Alfredo Vilela, concelleiro de Atención Cidadá, explicou os motivos
desta iniciativa que, asegurou, non tardará en porse en marcha: «Creo
que é necesario facer algo, máis nos tempos que corren, cando con pouca
xente temos que facer máis traballo. Non é que agora non se controle,
pero hai costumes... A xente ten que pedir os días con antelación e
tenos que autorizar o alcalde, pero queremos controlar tanto o tempo que
a xente está traballando como as saídas a tomar o café... que non se
alarguen».
Máis de cen traballadores
Esta medida aplicarase tanto no consistorio local como no resto de
edificios de titularidade municipal, como son a biblioteca ou o
auditorio, onde se atopa o departamento de servizos sociais. O persoal
do Concello de Cedeira supera as cen persoas, segundo indicou Vilela,
«incluíndo as traballadoras que se encargan do servizo de axuda a
domicilio, os obreiros que realizan os traballos de mantemento, o
persoal que atende a biblioteca, os funcionarios e os laborais». Con
esta iniciativa, concluíu, o Concello pretende «optimizar ao máximo» os
recursos humanos dispoñibles para garantir «a mellor atención posible»
aos cidadáns.
Link: VONLine
|
|