Concello de Cedeira - Aula de Informática
Fecha Miércoles, 05 diciembre a las 19:52:04
Tema PHP-Nuke
O Concello de Cedeira informou do traslado da Aula de Informática,
ubicada ata a data no Palacete Municipal, á Biblioteca Municipal López
Cortón. Deste modo, suma a estas instalacións once equipos informáticos
que virán a satisfacer as necesidades e demanda dos usuarios do centro
de lectura. O concelleiro de Cultura, Luis Rubido, explicou que ata a
data a Biblioteca dispoñía de seis ordeadores con conexión a Internet e
que estes resultaban escasos para dar servizo ao elevado número de
usuarios.
Por outra parte, a decisión tamén permitirá ampliar os
horarios de uso, adaptándoos aos da Biblioteca (de luns a venres mañá e
tarde e sábados pola mañá). Para acceder ao servizo, o usuario debe
rexistrarse realizando un simple trámite: cumplimentar un formulario
rexistrando os seus datos personais como nome e apelidos ou DNI. Nese
momento, recibirán unha contrasinal persoal coa que utilizar os equipos
informáticos, conectarse a Internet ou disfrutar de zona wifi. Se o
abonado é menor de 16 anos, terá que contar coa autorización expresa e
por escrito do seu pai, nai o titor legal para contar coas máximas
garantías. A Biblioteca Municipal ten un horario de apertura de luns a
venres de 8 a 14 horas e de tarde de 17 a 20 horas. O sábado, de 10 a 13
horas.
Link: Concello de Cedeira
|
|