Concello de Cedeira - € € €
Fecha Jueves, 27 septiembre a las 13:25:05
Tema PHP-Nuke
A corporación municipal de Cedeira rexeitou onte en pleno renunciar ás
indemnizacións dos concelleiros por asistencia a sesións plenarias,
comisións e Xuntas de Goberno, proposta polo PSOE. "O traballo de
concelleiro non se limita á asistencia a estas reunións e hai que
recordar que só cobra un concelleiro e non ten dedicación exclusiva.
Sorpréndenos esta proposta cando o custo final do tripartito PSOE, BNG e
TEGA foi superior", sinalou o portavoz municipal Luís Rubido.
O grupo socialista vai solicitar do Concello unha copia do audio gravado
pola secretaría ante o que consideran "unha ameaza" proferida pola
concelleira Almudena Molina quen, referíndose ao portavoz socialista,
José Luís Vergara, sinalou "a todo porco chégalle o seu San Martiño". O
PSOE insta á edil a que retire as súas palabras e ao PP a que a "desautorice". Os populares "lamentan a interpretación de mal gusto"
realizada por Vergara e indican que se trata dunha frase feita en
relación á súa condición de político.
Link: DFONLine
|
|