PSdeG-PSOE
Fecha Sábado, 01 septiembre a las 21:05:17
Tema PHP-Nuke
O secretario xeral do PSDEG, Pachi Vázquez, foi ratificado polo Comité
Nacional do seu partido candidato á Presidencia da Xunta por
"aclamación", algo ao que se opuxo publicamente o exalcalde de Cedeira
(A Coruña) José Luís Vergara, que reclamou que queda constancia do seu
"voto en contra" a este procedemento.
A alcaldesa de Silleda (Pontevedra), Paula Fernández Pena, exercendo
como presidenta da mesa do máximo órgano do PSDEG entre congresos,
aproveitou a ovación que os asistentes dedicaron a Vázquez tras a súa
intervención para pedir que fose "aclamado" e evitar así unha votación.
A única voz que se mostrou en contra deste proceso foi a de Vergara, a
pesar de que entre os asistentes estaba tamén Anxo Burgos, o militante
da Coruña que tratou de forzar as primarias e de presentarse como
alternativa a Pachi Vázquez unha vez consumado o adianto electoral.
O do Carballiño dedicou a súa intervención ante o Comité Nacional a
chamar á "unidade" dentro do partido e a realizar as súas primeiras
promesas electorais. Retirar o decreto do galego no ensino, anular os
concertos cos colexios que segregan por sexo, subir impostos á banca e
retirar o copago farmacéutico aos pensionistas serán as medidas que poña
en marcha "nos 100 primeiros días" se sae elixido presidente.
Link: EPONLine
|
|