Club Natación CEDEIRA - Disolución
Fecha Miércoles, 08 abril a las 13:48:14 Tema PHP-Nuke
Finalmente cmpríronse os peores prognósticos para o Natación
Cedeira-Mobles García. A entidade, que en só dous anos logrou alcanzar
a Primeira División galega da competición por clubs, anunciaba onte
oficialmente a súa disolución e, por tanto, retirada das citas
autonómicas e nacionais. Os motivos argumentados pasan, principalmente,
pola saída do club de varios dos seus mellores nadadores, forzados á
súa vez polo peche da piscina da vila. Así, a entidade tentara manter o
seu ritmo de adestramentos e preparación de competicións alternando
tempos "prestados" nas instalacións de Ortigueira ou na piscina de
Caranza, pero os desprazamentos son complicados, especialmente para os
seus deportistas máis novos. A decisión adoptada finalmente é a de
retirarse por tanto da competición e disolver a entidade.
Desde o club quíxose agradecer o traballo realizado polos sucesivos
corpos técnicos, que lograron levar o equipo até a Primeira División,
pero tamén para todas aquelas persoas que lles apoiaron e prestado
axuda nesta última tempada tan complicada para o Natación Cedeira.
Link: DFONLine
|
|