Día da Bicicleta
Fecha Miércoles, 06 junio a las 09:06:53
Tema PHP-Nuke
O Concello de Cedeira, en colaboración co Club Ciclista "Punta
Candieira", recupera este ano o Día da Bicicleta. A cita terá lugar o
domingo 17 de xuño e consistirá nun paseo polas rúas da vila no que a
competición será o menos importante. Trátase, en definitiva, de gozar
deste medio de transporte respectuoso co Medio Ambiente e do conxunto da
localidade.
A Concellaría de Deportes, promotora da iniciativa, organizou un
percorrido adaptado a todas as idades e que durará ao redor dunha hora.
Os participantes tomarán a saída da praza Roxa ao redor das
11.30 horas. De forma previa, e tal e como informan desde o propio
consistorio, procederase á inscrición dos asistentes. Todos aqueles que
tomen parte no percorrido, poderán optar a un sorteo de obsequios que o
Concello levará a cabo na mesma praza á chegada da ruta ciclista á que
animan a participar aos veciños.
Link: DFONLine
|
|