Faroliños, cabalos e sevillanas
Fecha Domingo, 29 abril a las 08:53:28
Tema PHP-Nuke
Cedeira respira aires andaluces este fin de semana coa celebración da I
Feira de Abril. Unha iniciativa que parte dos empresarios do casco
antigo da vila, coa colaboración do Concello e A Caixa, co obxecto de
dinaminar a afluencia de visitantes á localidade. A festa viviu onte a
súa xornada central, que a pesar da meteorología, convocou no casco
histórico a numerosas persoas que se interesaron pola oferta lúdica
proposta desde a organización do evento. Así durante a mañá, os
interesados en coñecer a orixe e elaboración do viño Tio Pepe, gozaron
de varias charlas a cargo de representantes das adegas González Byass.
O ambiente festivo foise incrementando conforme transcorreu a tarde, con
pasacalles e a presenza de asistentes ataviados para a ocasión "houbo
quen acudiu dacabalo como suxería a organización".
A música e as sevillanas alagaron de cor tanto o paseo marítimo Mariña
Española como o recinto feiral situado en Arriba dá Ponte. Como
complemento ao programa houbo ata visitas guiadas a San Andrés de
Teixido e, como non podía faltar, a gastronomía serviuse acorde para a
ocasión.
"A feira tivo moi boa acollida entre os veciños", apuntaba onte unha das
comerciantes da vila, María del Carmen Rei-Jimena que falaba do éxito
de convocatoria á que tamén se sumou a gardería municipal que instou a
todos os pais a levar mañá aos seus fillos ataviados con roupa típica de
Andalucía.
A celebración continuará hoxe domingo cunha misa rociera a partir das
doce do mediodía na igrexa parroquial de Santa María do Mar.
Link: DFONLine
|
|