Asociación Cultural Memoria Histórica Democrática
Fecha Domingo, 15 abril a las 19:15:59 Tema PHP-Nuke
Unha trintena de persoas participaron onte no acto organizado pola
Asociación Memoria Histórica e Democrática de Ferrol con motivo do
aniversario da II República. Unha ofrenda floral rendeu xusto tributo ás
vítimas do campo de concentración instalado na vila tras a guerra
civil.
© 2012 Diario de Ferrol Fai 75 anos que a primeira expedición de prisioneiros procedentes de
Asturias chegou ao campo de concentración de Cedeira, situado nas
instalacións dunha antiga fábrica de salgadura, nas inmediacións da
praia da Magdalena.
Un escenario que onte se vestiu coas cores da República, era o seu día,
para render xusto tributo á memoria das vítimas. "Non nos veran aplaudir
aos vencedores, senón homenaxear ás vítimas, aquelas que sufriron
inxustamente", sinalou José Luís Vergara, portavoz do PSOE de Cedeira.
As súas palabras precederon a intervención de Enrique Barreira, un dos
membros máis activos da Asociación Memoria Histórica e Democrática de
Ferrol, organizadora do acto. "Estamos facendo un xesto de lembranza,
pero non de nostalxia, xa que traballamos coa idea de ter unha III
República porque pensamos que é a mellor forma de democracia", apuntou
Barreira. Baseou as súas palabras nos últimos datos dunha enquisa do ano
2000, que situaba a diferenza entre os partidarios da monarquía e da
república en só 4 puntos, cando en 1996 distaban en 59. "Estamos a
piques de dar outro paso. E non é un plantexamento de vinganza, senón a
forma de gobernanza máis xusta e democrática que hai", puntualizou á
trintena de persoas que onte se citaron ante o monumento en homenaxe ás
vítimas do campo de concentración da vila cedeirense.
Non houbo presenza de familiares dos apresados esta vez, pero non faltou
o respaldo dos achegados das testemuñas da represión que se viviu anos
posteriores á guerra civil. E é como sinalou José Luís Vergara, "en
Cedeira sempre existiu unha solidariedade con toda aquela xente".
O cénit do acto viviuse coa ofrenda floral que Vergara e Barreira
depositaron aos pés do monólito, mentres se interpretaba a ritmo de
gaita "Caraveliño Colorado" e "Alalá dás Mariñas". O himno galego puxo o
punto e final ao evento.
Link: DFONLine
|
|