Concello de Cedeira - POS
Fecha Martes, 03 abril a las 09:09:54
Tema PHP-Nuke
O Concello de Cedeira anunciou o inicio dos traballos de pavimentación e
limpeza de cunetas en cinco camiños públicos, concretamente, nos
lugares da Xunqueira, Piñeiro, Moreira, Pereira e Rabadam.
No seu conxunto, as actuacións desenvolveranse en máis de dous
quilómetros e, segundo as estimacións das persoas que están á fronte do
departamento de Obras, os traballos prolongaranse por espazo de dúas
semanas, se as condicións meteorolóxicas son favorables. O proxecto está
valorado en 60.000 euros, cantidade que se financiará con cargo ao Plan
de obras e Servizos da Deputación da Coruña. O Concello sinala que nos
camiños da Xunqueira e Piñeiro procederase ao reforzo do firme por
medio dunha capa de macadam de quince centímetros de espesor e a
aplicación en toda a superficie de tres regas asfálticos, semiprofundo,
superficial e de selado, ademais da limpeza de cunetas.
No caso do camiño de Moreira, reforzarase o firme, acondicionarase a
cuneta e executaranse dúas cruces da rede de saneamento cos seus
correspondentes pozos. En canto á actuación prevista para o viario de
Pereira a actuación limitarase á aplicación de rega asfáltico, mentres
que no de Rabadam a intervención implica a aplicación dunha capa de
zahorra e outra de macadam, completando a intervención coa
correspondente rega asfáltico. Desde o Concello sublíñase a necesidade
das actuacións polo estado que a día de hoxe presentan os camiños.
Link: DFONLine
|
|