Concello de Cedeira - Imserso
Fecha Jueves, 22 marzo a las 11:13:25
Tema PHP-Nuke
O Concello de Cedeira anima aos maiores da localidade a participar no
programa de Termalismo Social. Para iso deben acudir ao departamento de
Servizos Sociais, situado na terceira planta do centro socio-cultural, e
solicitar a participación na iniciativa. As traballadoras municipais
encargaranse de tramitar toda a documentación necesaria para formalizar a
inscrición no Instituto de Maiores e Servizos Sociais (Imserso). O
prazo para realizar as xestións termina o 16 de maio e o horario de
atención ao publico é de luns a venres entre as dez e a unha da tarde.
Este programa permite ocupar o tempo de lecer da Terceira Idade, e
doutra banda procura un pasatempo saudable que repercutirá de forma
positiva no seu estado físico. A través do programa de termalismo, os
pensionistas da Seguridade Social por conceptos de xubilación, invalidez
ou viuvez e maiores de 60 anos poderán gozar de dez ou doce días nun
balneario en réxime de pensión completa. A estancia tamén inclúe un
tratamento termal adaptado ás súas necesidades. É o usuario o que deberá
elixir entre destinos habilitados de toda España, deles 16 ofértanse
na comunidade autónoma galega.
Link: DFONLine
|
|