Concello de Cedeira - Actividades deportivas
Fecha Miércoles, 07 marzo a las 08:16:51
Tema PHP-Nuke
O Concello de Cedeira confeccionou unha ampla oferta deportiva formada
por máis dunha vintena de actividades que se desenvolven a diario no
pavillón municipal. As propostas, pensadas para todas as idades, inclúen
natación para bebés, embarazadas ou sesións libres, ademais da gran
variedade de propostas a desenvolver na pista cuberta como patinaxe,
ximnasia rítmica, baloncesto, bádminton ou tenis de mesa, entre outras.
O Concello mantén aberta a inscrición, que se deberá formalizar nas
instalacións. O custo por actividade é de nove euros mensuais, que se
abonarán en períodos trimestrais. A tarifa de bailes de salón e natación
para bebés é de 18 euros por trimestre. Así mesmo, o Concello ten
aprobados descontos para familias con máis dun fillo e para os que se
anoten a unha segunda actividade.
A programación inclúe bailes de salón, bádminton, baloncesto, educación
física de base, patinaxe, tenis de mesa, baile activo, pilates, aeróbic,
ximnasia rítmica e de mantemento.
Lnk: DFONLine
|
|