Viveiro de empresas na TRABE
Fecha Martes, 06 marzo a las 11:24:17
Tema PHP-Nuke
O Concello de Cedeira desestimou crear un viveiro de empresas no
polígono industrial da Trabe, un proxecto herdado do goberno do
socialista José Luís Vergara que finalmente non verá a luz. A decisión
foi aprobada en pleno o pasado mes de decembro, en base a cuestións
tanto financeiras como de utilidade das instalacións, segundo informou o
portavoz do goberno local, Luís Rubido. "Non hai orzamento para
facelo".
A subvención de 60.000 euros a fondo perdido concedida polo Ministerio
de Industria, "só sería un 30% do custo total da infraestrutura", cuxa
investimento cifrou en 200.000 euros, aproximadamente.
Ademais, aclarou que o proxecto foi descartado tamén pola pouca
utilidade de infraestruturas deste estilo, tendo en conta que as novas
empresas que se instalan no termo municipal "establecen as súas oficinas
nas súas propias instalacións ou centros de traballo", puntualizou
Rubido. "Os viveiros de empresas como institución están trasnoitados,
non funcionan", alegou. Así mesmo, indicou que "de endebedarse o
Concello, facelo con outros investimentos máis operativos", subliñou.
O viveiro de empresas no mencionado polígono da Trabe foi un proxecto
xestado durante o anterior mandato do socialista José Luís Vergara, cuxo
equipo de goberno xa o anunciase en 2007, á súa chegada ao Concello. A
finalidade non era outra que a creación de empregos e evitar así a
exportación de man de obra especializada.
O viveiro de empresas de Cedeira é un dos 42 proxectos beneficiarios das
subvencións do programa de reindustrialización 2011 do Ministerio de
Industria, Enerxía e Turismo, tamén coñecidas como axudas "do Plan
Ferrol", cuxa resolución saíu publicada o pasado mes de febreiro no BOE.
Todo apunta a que o da vila cedeirense será un dos proxectos cuxos
fondos serán reasignados a outras iniciativas que queden en lista de
espera. Así, as comarcas de Ferrol, Eume e Ortegal recibirán 51,34
millóns de euros en créditos a interese cero para proxectos xeradores de
emprego e 1,44 millóns en subvencións a fondo perdido para iniciativas
ligadas á mellora das instalacións da zona. En total, son 52.788.562
euros, case catro menos que os orzados inicialmente na convocatoria.
Nas lista de beneficiarios hai un total de 31 proxectos xeradores de
emprego e outros once incluídos na categoría de infraestruturas, é
dicir, naqueles nos que o investimento está destinada a mellora a
competitividade do tecido produtivo do territorio, na súa maioría
promovidas por concellos e outros órganos.
Link: DFONLine
|
|